Жуырда, Көкшетау қаласында орналасқан "Бурабай" спорт сарайында 2009 ж.т. жасөспірімдер арасында, су добы спорт түрінен, Қазақстан Республикасы Чемпионатының 3 тур ойындары өтті.
Қ. Мұңайтпасов атындағы мектеп-интернат-колледждің 8 сынып оқушылары Данияр Сарсекеев пен Алмас Бакиянов "Астана" командасының негізгі құрамында өнер көрсетіп, турнир кестесінде, әзірше, топ жарып тұр.
Ел Ордалық ұжым енді наурыз айында Атырау қаласына аттанып, 4 турға қатысады. Осы жастағы 11 командадан тұратын Ұлттық біріншілік өз мәресін маусым айында аяқтайды.
Су добы бөлімшенің жаттықтырушылары Әділ Темірханов пен Артем Османовқа сәттілік тілейміз.