Қажымұқан Мұңайтпасов атындағы олимпиада резервінің республикалық мамандандырылған мектеп-интернат-колледжінің ұжымы, 2022 жылдың қорытындысы бойынша, ең үздіктерді марапаттады.
Мекеменің мәдени залында ұйымдастырылған мерекелік іс-шараға қазақ спортының майталман жұлдыздары мәртебелі қонақ ретінде келіп, арнайы сыйлықтарды лауреаттарға тапсырды.

Кенжеш Сәрсекенова, Мерей Ақшалов, Анна Алябьева-үшеу де осы мектептің атақты түлектері! Чемпиондар оқу-спорттық ордасынан шыққан осы азаматтар ізбасар іні-қарындас-сінілеріне үлгі болып, өздерінің құрметтерін білдірді.
Үш номинация бойынша бір қатар үміткерлер анықталды. Жүзден жүйрік шыққан тарланбоздарымыз келесі жүлделерге ие болды: "2022 жылдың "Ең үздік жаттықтырушысы" номинация бойынша, грек-рим күресі бөлімшесінің аға бапкері Дәурен Кегенбаев болып табылды.
"Ең үздік спорттық бөлімшесі"- көркем гимнастика ұжымы. "Жылдың Ең Үздік спортшысы"- коньки жүгіруден халықаралық дәрежедегі спорт шебері Алина Дауранова.
Аталған спорт түрлері бойынша (және де басқалары да) мекеме спортшылары Ұлттық құрама командаларында 60-85% құрайды! Ол үлкен жетістік.
Қызықты және думанды түрде өткен мерекелік кеш мекеме жұмыскерлерінің күшімен ғана ұйымдастырылып, музыкалық әндер жинағы концертімен және "жұлдызды фотосессиямен" аяқталды.