Қазақтың ақыны, әдебиет зерттеуші ғалымы, түркітанушы, публицист, педагог, аудармашы және қоғам қайраткері, Қазақ халқының XX ғасырдың басындағы ұлт-азаттық қозғалысы жетекшілерінің бірі, мемлекет қайраткері, қазақ тіл білімі мен әдебиеттану ғылымдарының негізін салушы ғалымы, ұлттық жазудың реформаторы, ағартушы және Алаш-Орда үкіметінің мүшесі Ахмет Байтұрсынұлының 150 жылдық мерейтойы барша Қазақ Елінде аталып өтуде.

Қажымұқан Мұңайтпасов атындағы олимпиада резервінің республикалық мамандырылған мектеп-интернат-колледжінде, мекеменің оқу бөлімінің ұйымдастырылуымен, оқушылар арасында, оқу-әдістемелік конференция өтті.

Іс-шара барысында спортшы-оқушылар Аханның ізгілікпен өрліген өмірінің әр кезеңіне нақты тоқталып, көне тарихка бет бұрып, мухият зерттеу арқылы, бір-бірімен пікір алмасты. Онлайн-формат арқылы жаңадан түскен оқушылар да өз сәлемдерін жолдап, жазушы-ақынның өлеңдерін оқып берді.

Конференция жұмысында сөз алған баяндамышылар А. Байтұрсынұлының әдебиеттік, саяси, ғылыми, ақын-сазгерлік, аудармашылық жұмыстарына бөлек тоқталып, толыққанды ақпаратпен бөлісті.

Іс-шара соңында бірқатар белсенді қатысушыларға руһани байлығы бар кітаптар мен арнайы сыйлықтар тапсырылды.

Осы шараға шақырылған қонақтар арнайы сөз алып, оқу-спорттық мекеменің қызметкерлерін Қазақстан халқы тілдер күні мерекесімен және Ахмет Байтұрсынұлының 150 жылдық мерейтойымен құттықтап, барша жиналған қауымға шығармашылық пен спорттық жетістіктерді тіледі.

{gallery}000/news/2022/09/07{/gallery}