Қажымұқан Мұңайтпасов атындағы олимпиада резервінің республикалық мамандандырылған мектеп-интернат-колледждің басшылары атынан және жеке өз атымнан Сіздерді келе жатқан Жаңа 2024 жылмен шын жүректен құттықтаймын!
Биылғы жылы елімізде және мекемемізде айтарлықтай өзгерістер орын алып, Қазақстан Республикасы үлкен жетістіктерге қол жеткізді. Соның ішінде спорт саласындағы ұлы жеңістер мен елеулі табыстар қуантады.
Алда 2024 - Олимпиада жылы! Төрт жылда бір рет өтетін дүбірлі сайыста Қазақстан спортшылары туымызды биікке көтеріп, жеңіске жетер жолда қайраты мен жігерін аямай, еліміздің даңқын арттыра түсетініне сенімдімін.
Біздің түлектер де осы додаға белсенді қатысып, Еліміздің абыройын асқақтадады!
Жаңа жылда Сіздерге зор денсаулық, қажымас қайрат, бақ-береке тілеймін!
Жан жүректеріңіз қуанышқа толып, шуақты күндеріңіз молынан болсын!

Ізгі ниетпен, директор
Мәлік Сапашев

 

Мекемемізде 13 желтоқсан, сәрсенбі күні мектебіміздің тарих пәні мұғалімі Бекежанова Динараның ұйымдастыруымен 10-11 сынып оқушыларының қатысуымен «Тарих білгірлері» тақырыбында оқушылардың ой-өрісін дамыту, белсенділігін арттыру мақсатында  интеллектуалдық сайыс өтті. Сайыс төрт кезеңнен тұрды, І кезең  кахут ойыны арқылы өтіп сайыс қатысушылары іріктелді, келесі кезеңге  қатысқан он оқушының бесеуі өтті. Екінші кезең «Бәйге», үшінші кезең «Тұлғаны таны», төртінші кезең «Терминология»  әр кезеңге өту оқушылардың білімін шыңдай түсті. Сайыс қорытындысы бойынша жеңімпаз атанған  10 «Б» сынып оқушысы Шаяхмет Жәңгірхан,  ІІ орынды 11 «Б» сынып оқушысы Абдысамат Асан иеленсе, ІІІ орынды 11 «А» сынып оқушысы Таукенова Аида иеленді. Марапаттау рәсімін мектеп директорының оқу ісі жөніндегі орынбасары Молдашаева Сара Жапсарбайқызы жүргізді.  Оқушыларымыз тарих пәнінен алған білімін жүйелеп,  ой ұшқырлығын көрсетті.


Күш атасы Қажымұқан Мұңайтпасұлының ХХ ғасырдың басында Түркияда түріктің белді балуандарын жыққаны тарихи деректерден белгілі. Сол сапарда Ыстамбұлдың әкімі Шағыр паша Қажекеңнің алапат күшіне, балуандық қабілетіне тәнті болып, осы қанжарды сыйлаған екен.
Сол тарихи жәдігер арнайы комиссияның мақұлдауымен кеше Астанадағы Ұлттық мұражайға табыс етілді. Иә, Ұлттық мұражайы бар ел екеніміздің өзі Алла тағаланың қазақ жұртына жасаған керемет сыйы.
Қажымұқан қанжарының ұлттық мұрағатқа табысталуына себепші болған Мәжіліс депутаты Ардақ Назарға, басқа да бауырларға алғысымыз зор.

СУРЕТТЕР:
Мәдениет министрінің орынбасары Арман Жүдебаев пен Парламент депутаты Ардақ Назар.
Қажымұқанның шөбересі Айкен.
Ардақ Назар мен Қыдырбек Рысбек.
Қажымұқанның қанжары.

Қ. Мұңайтпасов атындағы олимпиада резервінің республикалық мамандандырылған мектеп-интернат-колледжінде, жоспарға сай, спортшы-оқушылардың аттестациялаулары басталды.
Оқу маусымы кезеңінде екі рет өтетін (желтоқсан және мамыр айларында) іс-шарада 7-11 сынып арасындағы спортшылардың оқу, тәрбие, спортқа деген ынтасы және спорттық нәтижелері есепке алынады.
Осы төрт критерий бойынша оқушы-спортшы бала мекемеде қалады, не кетеді.
Комиссия мүшелерінің алдында әр спорттық бөлімшелердің жаттықтырушылар тобы, ұстаздар мен тәрбиешілер оқушыларға өз бағаларын береді.
Айта кетсек, бұл мектеп-интернат-колледж тек спортта дарынды балаларға арналған мекеме. Бірінші орында-жоғары спорттық көрсеткіш. Егерде, бір неше себептерге байланысты, нәтижесі болмаса, тәртібі мен оқуы төмен болса-оқушы, ережеге сай, мекемеден шығарылады.
Жауапты науқан кезеңінде балалардың тағдырлары алдынғы қатарда тұруда.
Сол себептен, әр мәселе бөлек және мұқият қаралынып, әділ шешімдер қабылдануда.

 

2023 жылдың 15-18 желтоқсан аралығында Бишкек қаласында (Қырғызстан) грек-рим күресінен жасөспірімдер арасында Қырғыз Республикасының Еңбек сіңірген жаттықтырушылары мен спорт шеберлерінің құрметіне арналған ХХVIII Халықаралық мемориалында мекеме спортшылары сәтті өнер көрсетті. Байрақты бәсекенің нәтижесінде Қ. Мұңайтпасов оқу-спорттық ордасының шәкірттері: 2 алтын және 3 қола медаль иеленді!
Атап айтсақ:
Болатұлы Алпамыс 60 кг- 1 орын;
Лесбай Ерсұлтан 110 кг.- 1 орын;
Шамил Досбол 60 кг. - 3 орын;
Ахалбек Әбілмансұр 71 кг- 3 орын;
Сеитов Тарлан 65 кг.- 3 орын.
Төл мерекемізге арнап спортшыларымыз тосын сый жасады! Бәрекелді!

 

  15.12.2023 жылы «Қ.Мұңайтпасов атындағы ОР РММИК» РММ  7 – 9 сынып оқушыларының күшімен 16 – желтоқсан Қазақстан Республикасының Тәуелсіздігіне арналған тарихи – әдеби сазды кеш өтті.

      Кештің мақсаты – желтоқсан көтерілісінің  сипатын насихаттай отырып, желтоқсан құрбандарын мәңгі есте сақтау; жас ұрпақ бойына еліне, жеріне, ұлтына деген патриоттық сезімін қалыптастыру. Мектеп директоры атынан мектебіміздің қызметкерлерін оқу бөлімінің орынбасары : Молдашаева Сара Жапсарбаевна  Тәуелсіздік мерекесіне өзінің жылы лебізін білдіріп құттықтап, «Құрмет грамотасымен» марапаттады.

      Кешке мектеп ұжымы қатысып, өз ризашылықтарын білдірді. Кеш өз деңгейінде өтті.

«Тәуелсіздік -тірегім, Қазақстан- жүрегім!»..

 

          2023 жылдың 13 желтоқсанында  «Тәуелсіздік -тірегім, Қазақстан- жүрегім!» атты таеквандо, шорт-трек бөлімдерінде педагог-тәрбиеші Жолдыбаева Айгерім Мұратбайқызы ҚР -ның Тәуілсіздігінің 32 жылдығына орай ашық тәрбие сағатын өткізді.

 Тәрбие сағатының мақсаты:

        1. Оқушыларды еліміздің тәуелсіздік алған жылдар ішіндегі жеткен жеңістіктерімен таныстыру,әлем таныған ел екенін дәлелдеу,білімдерін кеңейту;

        2. Болашақ ұрпақтың рухани тұлғалық және адамгершілік құндылықтарын дамыту;

        3. Отанын сүюге, ел тарихын білуге, еліміздің мемлекеттік рәміздерін қастерлеуге, отанымыздың байлығын қорғауға,елімізді өркендетуге, білімді ұрпақ болуға тәрбиелеу.

       Сабақ мақсатына жетті. Сабақ құрылымы мен ұйымдастыруы, логикалық

жүйелілігінің, кезеңдерінің байланыстылығы ойластырылған.

Уақытты үнемдеп қолдануы, сабақ жоспарының болуы және ұстаздың оны орындауды ұйымдастыруы, сабақта қолданылған көрнекіліктер, бейнероликтер жоғары деңгейде ұйымдастырылды.  Оқушылардың танымдық дамуын анықтайтын сабақтың басты жақтарына көңіл бөлінеді.

Қ. Мұңайтпасов атындағы олимпиада резервінің республикалық мамандандырылған мектеп-интернат-колледжінде, ағымдағы жылдың 12 желтоқсанында, мекеме психологі Гүлмира Қармысованың ұйымдастыруымен, грек-рим күресі бөлімі спортшыларымен психологиялық тренинг өткізілді. Аталған іс-шараның тақырыбы: "Жарыстың алдында және жарыс кезінде болатын күрделі эмоционалды жағдайларды алдын алу және психологиялық жаттығуларға үйрену". Спортшылар жарыс кезіндегі күрделі жағдайларға талдау жасап мектеп психологімен бірге күресу тәсілдері, алдын алу әдістерімен, жаттығуларды үйренді.
Сонымен қатар, спортшылар "ынғайсыз" қарсыластардын типологиясына топтық түрде психологпен талдау жасады. Тренинг нәтижесі сайыстар алдында тактикалық жағынан спортшылардың дайындықтарына пайдалы болып келеді деп, үміттенеміз.

Поздравляем учащихся Республиканской школы-интернат-колледжа олимпийского резерва им. Х. Мунайтпасова Анну
Левковец, занявшую 1-е место в разряде МС, Зере Сарбалину, занявшую первое место в категории КМС (junior women) и
Карину Шеин, занявшую первое место в первом спортивном разряде advanced novice), на проходившем в городе Астане (5 - 8 декабря)
международном турнире группы "Б" - "Ice Stars Cup".

МОЛОДЦЫ!!!

 

Қ. Мұңайтпасов атындағы мектеп-интернат-колледжде, тәрбие бөлімінің күшімен, Амангелді Имановтың 150 жылдығына арналған "Ерлік толы даламыз, батыр біздің бабамыз" тақырыбында, өнер адамдардың қатысуымен бірге өткен, театрланынған кеш өтті.
Мәртебелі қонақтар қатарында: "Қазақ радиосының" дикторы, актер Сағаділдә Үсібәлі, “Амангелді Иман” қоғамдық қорының төрағасы, Мәдениет саласының үздігі Толқын Сұлтан,
Қазақстанның еңбек сіңірген қайраткері, күйші Анар Мұздаханова,
Республикалық байқаулардың лауреаты, Мәдениет саласының үздігі, күйші Әмина Бошымова және ақпарат саласының үздігі, "Қазақ радиосының" ардагері Күләш Молдахметовалар келді.
Салтанатты кешке оқушы-спортшы балалар аса үлкен қызығушылық танытып, мекеменің Мәдени залын нық толтырды.

 

Жапония елінің астанасы - Токио қаласында дзюдо күресінен өтіп жатқан лицензиялық "Гран - При Токио 2023" жарысында Қ. Мұңайтпасов атындағы мектеп-интернат-колледждің түлегі Ақмарал Науатбек алтын медаль иегері атанды!

Алда, әлі де 3 "Гран При" жарысы және "Paris-2024", бұйыртса...

 

Астана қаласында ҚР VI жазғы Спартакиада бағдарламасы бойынша таеквондо жарыстары өтуде.
Бұл, төрт жылда бір рет өтетін байрақты бәсекеде Қ. Мұңайтпасов атындағы мектеп-интернат-колледждің түлектері мен шәкірттері қатысуда.
Таеквондодан ересектер арасындағы VI жазғы спартакиаданың екі күннің нәтижесі бойынша:

Қанат Алмира 57кг 🥈

Түлектер
Хасенов Бауыржан +87кг 🥈
Дүйсебай Смайыл +87кг 🥉

Бапкерлер мен спортшыларды шын жүректен құттықтаймыз!