«Төртінші өнеркәсіптік революция жағдайындағы дамудың жаңа мүмкіндіктері» атты Жолдауын ақпараттық сүйемелдеу және түсіндіруге арналған дөңгелек үстел.

 Қажымұқан Мұңайтпасов атындағы олимпиада резервінің мамандандырылған мектеп-интернат-колледжі қабырғасында Қазақстан Республикасының Президенті Н. Назарбаевтың 2018 жылғы  24-қаңтардағы Қазақстан халқына «Төртінші өнеркәсіптік революция жағдайындағы дамудың жаңа мүмкіндіктері» атты Жолдауын ақпараттық сүйемелдеу және түсіндіруге арналған дөңгелек үстел өткізілді.

Шараның мақсаты – келешек Қазақстанның бағдарламалық құжатын, оның әр тармақтарының жүйелі және айқын іске асырылуын талқылау.

Дөңгелек үстелдің қонағы «Нұр  Отан»  партиясы, Астана қалалық  «Бірлік»  филиалы төрағасының бірінші орынбасары -  Қожахметов Шыңғыс Шопанұлы Жолдаудағы Мемлекет басшысының белгілеп берген  дамыған 30 елдің қатарына кіру жолындағы еліміздің 10 негізгі міндетіне тоқталды. Президент Жолдауында аталған тапсырмаларды елімізде әрбір саланың мамандары жүзеге асыруы қажеттігін атап көрсетті.

 Оқу ісінің әдіскері Т.Н. Чиркова «Мұғалімнің мәртебесін көтеру туралы Елбасының айтқан сөзіне тоқталды. Орта білім беру саласында жаңартылған мазмұнға көшу туралы ақпарат берді. Мектебіміздің дәрігері Г.Қ. Чоманова денсаулық сақтау жүйесіндегі өзгерістер туралы кеңінен атап өтті.

Дөңгелек үстел мекеме қызметкерлерінің  еліміздегі индустрия, технология, өнеркәсіп кешені, көлік-логистика, инфрақұрылым, коммуналдық құрылыс, заманауи технология, адами капитал, тиімді мемлекеттік басқару және «Ақылды қалалар - ақылды ұлт үшін» деген мәселелерге көзқарастарын білдірумен қорытындыланды.